VIONGOZI WAPYA WA SERIKALI YA WANAFUNZI 2019/20 WA CHUO KIKUU ARDHI (ARUSO) WAAPISHWA

VIONGOZI WAPYA WA SERIKALI YA WANAFUNZI 2019/20 WA CHUO KIKUU ARDHI (ARUSO) WAAPISHWA

Viongozi wateule wa Serikali ya wanafunzi Chuo Kikuu Ardhi (ARUSO) 2019/20) wameapishwa tarehe 23/04/19 katika ukumbi wa IHSS wa Chuo Kikuu Ardhi na jumla ya wabunge wateule 63 kushuhudia tukio la kuapishwa kwao. Viongozi walioapishwa ni pamoja na Rais wa jumuiya hiyo Bw. Abeid Khamisi, Makamu wa Rais Bi. Rehema Mahenge, Spika wa Bunge ARUSO Bw. Josephat Primsi Kimario, Naibu Spika Bw.  George Mlawila  na Katibu wa Bunge Bi. Hiadaya Kisuju.

Shughuli za kuapishwa viongozi hao zilifanyika baada ya uchaguzi mkuu wa viongozi wa ARUSO kukamilika tarehe 18/04/2019 na Bw. Abeid Khamisi kuibuka mshindi kwa nafasi ya Urais kwa kupata kura 849 sawa na 51.3% na kuwashinda washindani wake kwa nafasi hiyo ambapo Bw. Alberatus Daniel alipata kura 610 sawa na 36.9% na Bw. Onesphory Gastory aliyepata kura 186 sawa na 11.2%. Kwa upande wa nafasi ya Makamu wa Raisi Bi. Rehema Mahenge aliibuka mshindi kwa kupata kura 665 sawa na 47.9% huku akiwashinda washindani wake Bw. Said Said Abdallah aliyepata kura 544 sawa na 39.2% na Bw. Jonas Aniceth Kulwa aliyepata kura 176 sawa na 12.7%

Matokeo ya Uchaguzi huo yalitangazwa na Bw. Buberwa Kamara ambae ni Mwenyeketi wa tume ya Uchaguzi ARUSO na pia Spika wa Bunge la ARUSO 2018/19.

Kabla ya kuapishwa kwa viongozi hao wateule Mwenyekiti wa Kamati ya Uchaguzi aliendesha zoezi la Uchaguzi kwa nafasi za Spika, Naibu Spika pamoja na Katibu wa Bunge. Zoezi la kuapishwa viongozi wateule liliendeshwa na Jaji Mkuu wa ARUSO Bi. Glory Makundi.

Kwa mujibu wa Katiba ya ARUSO ya mwaka 2018, matokeo ya uchaguzi hutangazwa na Spika na viapo kwa walioshinda uchaguzi hufanywa na Jaji Mkuu ARUSO.

1

Raisi Mteule wa Serikali ya Jumuiya ya wanafunzi ya Chuo Kikuu Ardhi ( ARUSO) Bw. Abeid Khamis akiwa na Makamu wake wa Rais Bi. Rehema Mahenge muda mfupi kabla ya kuapishwa kwenye ukumbi wa IHSS wa Chuo Kikuu Ardhi.

Rais wa ARUSO Bw. Abeid Khamis akila kiapo cha uadilifu.

3.Makamu wa Rais wa ARUSO Bi. Rehema Mahenge akila kiapo cha uadilifu mbele ya Jaji Mkuu ARUSO Bi. Gloria Makundi.

4

Bw. Josephat Primsi Kimario Spika wa Bunge la ARUSO akila kiapo cha uadilifu.

5Bw. George Mlawila Naibu Spika wa Bunge la ARUSO akila kiapo cha uadilifu.

6Bi. Hidaya Kisuju Katibu wa Bunge la ARUSO akila kiapo cha uadilifu mbele ya Spika na Naibu Spika wa Bunge.

7Spika wa Bunge la ARUSO Bw. Josephat Primsi Kimario akiteta jambo na Katibu wa Bunge Bi. Hidaya Kisuju mara baada ya kuapishwa.

 

 

 

 

Leave a Reply

Your email address will not be published. Required fields are marked *