All posts by Casiana Mwanyika

CHUO KIKUU ARDHI CHAENDESHA MAFUNZO YA UONGOZI KWA VIONGOZI

CHUO KIKUU ARDHI CHAENDESHA MAFUNZO YA UONGOZI KWA VIONGOZI.

Chuo Kikuu Ardhi kimefanya mafunzo ya uongozi kwa viongozi wake katika idara mbalimbali Chuoni hapo yenye lengo la kuwakumbusha namna bora ya kuongoza na kuendesha vitengo wanavyovisimamia ili kuleta ufanisi na mahusiano mazuri mahali pa kazi.

Mafunzo hayo ya siku tatu yaliyoanza tarehe 12/11/2019 yanafanyika Chuoni hapo yakihudhuriwa na viongozi wakuu wa Chuo na viongozi wa idara mbalimbali Chuoni. Wawezeshaji ni wataalamu kutoka Chuo cha Utumishi wa Umma, kampuni ya TSSL na Taasisi ya kitaifa ya uzalishaji (NIP)

Wakati wa ufunguzi wa mafunzo hayo, Makamu Mkuu wa Chuo Prof. Evaristo Liwa aliwaasa viongozi kuwa mifano ya kuigwa kwa wale wanaowaongoza na pia kuzingatia misingi ya uongozi muda wote wanapokuwa wanatekeleza majukumu ya kitaasisi na ya vitengo vyao. Ameongeza kusema kuwa viongozi wanapaswa kuchukua hatua stahiki za kinidhamu kwa mujibu wa kanuni za utumishi wa umma na kuepuka lugha za maudhi kwa watendaji walio chini yao.

Nae Naibu Makamu Mkuu wa Chuo Mipango Fedha na Utawala Prof. Carolyne Nombo amewataka viongozi wanaohudhuria mafunzo hayo kuzingatia yote wanayoelezwa na wawezeshaji kwani azma ya Chuo na serikali ya Jamhuri ya Muungano wa Tanzania ni kuhakikisha wafanyakazi wote wanapata haki zao za msingi ikiwemo haki ya kusikilizwa na viongozi wao. Awali akimkaribisha Makamu Mkuu wa Chuo Prof. Evaristo liwa kufungua mafunzo hayo Prof. Nombo alisema mafunzo yanayoendeshwa Chuoni yanaenda sambamba na sera ya utumishi wa umma inayozitaka taasisi kuwajengea uwezo wafanyakazi wake katika maswala mbalimbali ikiwemo maswala ya uongozi.

Akitoa ufafanuzi kuhusu mafunzo hayo, Mkurugenzi Rasilimali Watu na Utawala wa Chuo Kikuu Ardhi Ndugu Essau Swila alisema ni vyema kwa viongozi wapya walioteuliwa kushika nyadhfa mbalimbali za uongozi chuoni kupatiwa mafunzo haya kwakuwa kiongozi anapaswa kuwa mfano bora kwa anaowaongoza .Aliongeza kusema kuwa, kiongozi katika utumishi wa serikali ni lazima kufahamu sheria, kanuni, nyaraka na miongozo mbalimbali ya serikali, kuzitunza na kuzifanyia kazi kwa mujibu na taratibu zilizowekwa.

Continue reading CHUO KIKUU ARDHI CHAENDESHA MAFUNZO YA UONGOZI KWA VIONGOZI

JUMUIYA YA CHUO KIKUU ARDHI KUSHIRIKI BONANZA LA MICHEZO

JUMUIYA YA CHUO KIKUU ARDHI KUSHIRIKI BONANZA LA MICHEZO.

Chuo Kikuu Ardhi chini ya Idara ya Michezo kwa kushirikiana na uongozi wa Chuo Kikuu Ardhi waliandaa bonanza na michezo kwa wanajumuiya wa Chuo Kikuu Ardhi siku ya Tarehe 28. 6. 2019 katika viwanja vya Chuo Kikuu Ardhi.Bonanza hilo lilihusisha wafanyakazi na wanafunzo wote wa Chuo Kikuu Ardhi kwa kuandaa michezo na mbali mbali ikiwemo mazoezi ya viungo, kula apple, kukimbia,mpira wa miguu, mpira wa kikapu na kuvuta kamba.

Naibu Makamu Mkuu wa Chuo  Kikuu Ardhi Prof. Gabriel Kassenga alifungua rasmi zoezi hilo na kushiriki kuangalia baadhi ya michezo iliyoandaliwa na idara hiyo. Prof. G. Kassenga pia shiriki kuangalia mashindano ya michezo mbalimbali  ya wanafunzi wa Chuo Kikuu Ardhi na kukabidhi zawadi kwa washindi wote walioshiriki na kuweza kutoka na ushindi katika michezo hiyo ikiwemo timu za wanafunzi na baadhi ya wafanyazi walioshiriki michezo hiyo.

Prof. Kassenga ambaye alikuwa ni ngeni rasmi katika bonanza hilo alipata nafasi ya kuzumza na wafanyakazi na wanafunzi walioshiriki zoezi hilo kwa kuwataka wawe wanajitokeza kwa wingi kwenye mazoezi na machizo mbalimbali inayoandaliwa na Chuo kwa lengo la kujenga mahusiano mahala pa kazi. Continue reading JUMUIYA YA CHUO KIKUU ARDHI KUSHIRIKI BONANZA LA MICHEZO

MAFUNZO YA KUIMARISHA UADILIFU NA KUPAMBANA NA RUSHWA CHUO KIKUU ARDHI

MAFUNZO YA KUIMARISHA UADILIFU NA KUPAMBANA NA RUSHWA CHUO KIKUU ARDHI.

Chuo Kikuu Ardhi kupitia vitengo vyake mbalimbali kimefanya mafunzo ya kuimarisha na kupambana na  rushwa na uimarishaji wa uelewa juu wa masuala ya kijinsia mahali pa kazi.  Mafunzo hayo yamefanyika siku ya Ijumaa tarehe 28.6.2019 katika viwanja vya Chuo Kikuu Ardhi (Arch Plaza Ground) ambapo wafanyakazi wa Chuo Kikuu Ardhi walishiriki na kupata fursa ya kujifunza mambo mbalimbali juu ya kupambana na rushwa na uelewa wa mambo ya kijinsia.

Naibu Makamu Mkuu wa Chuo Kikuu Ardhi -Taaluma Prof. Gabriel Kasenga alifungua mafunzo hayo kwa kuwataka washiriki watumie vizuri nafasi hiyo kwa kutoa  ushirikiano kwa  wawezeshaji walioandaliwa kutoa  mada mbalimbali  .Aliendelea kusema kuwa mafunzo hayo yatasaidia katika kuleta mchango chanya katika kuendesha shughuli mbalimbali katikamazingira ya kazi hapo Chuoni

Pamoja na mafunzo hayo yalioyokuwa yakiendelea katika viwanja hivyo vya Chuo Kikuu Ardhi, Zahanati ya Chuo Kikuu Ardhi pia iliendesha zoezi la upimaji wa afya kwa wafanyakazi wake ikiwemo upamaji wa Virusi vya Ukimwi na magonjwa yasiyo ya kuambukiza kama Kisukari, Presha (BP) kwa wafanyakazi wa Chuo.

IMG_6374

Naibu Makamu Mkuu wa Chuo-Taaluma Prof. Gabriel Kassenga akifungua rasmi mafunzo hayo katika eneo la Chuo Kikuu Ardhi.(Kulia ni Bi. Anna Mushi Kaimu Mkurugenzi Mkuu  Idara ya Rasilimali watu)

Continue reading MAFUNZO YA KUIMARISHA UADILIFU NA KUPAMBANA NA RUSHWA CHUO KIKUU ARDHI

CHUO KIKUU ARDHI CHA SHIRIKI MAADHIMISHO YA SIKU YA WAFANYAKAZI DUNIANI.

CHUO KIKUU ARDHI CHASHIRIKI MAADHIMISHO YA SIKU YA WAFANYAKAZI DUNIANI.

Wafanyakazi wa Chuo Kikuu Ardhi wameshiriki maadhimisho ya Siku ya Wafanyakazi Duniani yanayofahamika kama Meimosi ambapo mkoani Dar es Salaam shamrashamra hizo zilifanyika katika Uwanja wa Uhuru. Maadhimisho hayo yaliyokuwa na Kauli mbiu “Tanzania ya Uchumi wa kati inawezekana, wakati wa mishahara na maslahi bora kwa wafanyakazi ni sasa” yalihudhuriwa na wafanyakazi kutoka Taasisi na Asasi mbalimbali zilizopo jijini ambapo Mgeni rasmi alikuwa Mkuu wa Mkoa wa Dar es Salaam Mhe. Paul Makonda.

Continue reading CHUO KIKUU ARDHI CHA SHIRIKI MAADHIMISHO YA SIKU YA WAFANYAKAZI DUNIANI.

WAAJIRIWA WAPYA CHUO KIKUU ARDHI WAPEWA SEMINA ELEKEZI

WAAJIRIWA WAPYA CHUO KIKUU ARDHI WAPEWA SEMINA ELEKEZI:       

Waajiriwa wapya 25 wa kada mbalimbali Chuo Kikuu Ardhi wamepatiwa semina elekezi katika maswala mbalimbali yahusuyo ajira zao ili kuleta tija na ufanisi kazini.Semina hiyo iliyohudhuriwa pia na wakufunzi kutoka TAKUKURU imefanyika leo tarehe 13/02/2014 katika ukumbi wa Council Chamber wa Chuoni hapo.

Akizungumza na wafanyakazi hao, Prof. Carolyne Nombo ambae ni Naibu Makamu Mkuu wa Chuo Mipango, Fedha na Utawala amesema, Chuo kimekua kikiandaa utaratibu wa kuwakutanisha wafanyakazi wapya na uongozi wa Chuo pamoja na maafisa waandamizi mbalimbali ili kuwajengea uelewa wa mambo mbalimbali muhimu kwa utendaji  kazi wao. Pia amewataka Waajiriwa hao kusoma sera na miongozo mbalimbali ya Chuo ili kuweza kuelewa vyema haki zao na wajibu wao kwa taasisi na taifa kwa jumla.

Akifungua mafunzo hayo ya siku moja, Makamu Mkuu wa Chuo Prof. Evaristo Liwa amewaasa wafanyakazi kuwa wazalendo kwa taasisi yao na kujitolea kufanya kazi zinazohusu ustawi wa Chuo pindi watakapohitajika kufanya ivyo. Amesema Chuo Kikuu Ardhi kimeanza kutekeleza Mpango wake wa maendeleo wa ukuaji (ARU-Master Plan) hivyo amewataka wafanyakazi wote kuwa miongoni mwa mabadiliko hayo makubwa kwa kujitolea kufanya kazi zitakazohitaji ujuzi na utaalamu wao.

Nae Naibu Makamu Mkuu wa Chuo Taaluma, Prof. Gabriel Kassenga amewataka waajiriwa wanataaluma kujiendeleza zaidi kielimu, kufanya tafiti na kutoa machapisho ili kuendelea kupanda kitaaluma na pia kuifanya hadhi ya Chuo kuendelea kupanda.

Kwa upande wao Maafisa kutoka Taasisi ya Kuzuia na Kupambana na Rushwa TAKUKURU wametoa elimu kuhusu rushwa na madhara yake.

1Mkurugenzi Rasilimali Watu Mr. Essau Swila wa Chuo Kikuu Ardhi akitoa utambulisho wakati wa mafunzo kwa waajiriwa wapya

Continue reading WAAJIRIWA WAPYA CHUO KIKUU ARDHI WAPEWA SEMINA ELEKEZI

ARDHI UNIVERSITY AWARDED A CERTIFICATE OF APPRECIATION.

ARDHI UNIVERSITY AWARDED A CERTIFICATE OF APPRECIATION.

In appreciation for successfully hosting the Risk Methods School in September 2018, Peri Peri U Consortium has awarded Ardhi University a certificate of appreciation. The certificate was presented by the Project Coordinator Dr. Ailsa Holloway during the Annual PeriPeri U consultative meeting held at Hotel Majestic in down town Tunis, Tunisia on 15th October, 2018.

Continue reading ARDHI UNIVERSITY AWARDED A CERTIFICATE OF APPRECIATION.

MAFUNZO YA VYUO VIKUU 12 VYA AFRIKA KUHUSU MBINU NA NAMNA YA KUTATHMINI ATHARI ZITOKANAZO NA MAAFA CHUO KIKUU ARDHI KUKAMILIKA.

MAFUNZO  YA VYUO VIKUU 12 VYA AFRIKA KUHUSU MBINU NA NAMNA YA KUTATHMINI ATHARI ZITOKANAZO NA MAAFA KUKAMILIKA CHUO KIKUU ARDHI.

1

Naibu Makamu Mkuu wa Chuo Kikuu Ardhi-Taaluma  Profesa Gabriel  Kassenga akiongea machache wakati wa kufunga  kozi ya wiki mbili ya  kimataifa kuhusu maafa inayofanyika Chuo Kikuu Ardhi ikiwalenga wanafunzi wa shahada za juu na watendaji wa taasisi za kiserikali, binafsi na mashirika ya kimataifa. Washiriki kutoka nchi 12 za Afrika na Mpango wa Chakula Duniani (WFP). Wakufunzi wa kozi walitoka Vyuo Vikuu vya Afrika vinavyounda mwamvuli wa Periperi U, UNDP na WHO. Kozi  iliyofadhiliwa na UNDP, USAID/OFDA, WHO na WFP.
Continue reading MAFUNZO YA VYUO VIKUU 12 VYA AFRIKA KUHUSU MBINU NA NAMNA YA KUTATHMINI ATHARI ZITOKANAZO NA MAAFA CHUO KIKUU ARDHI KUKAMILIKA.

CHUO KIKUU ARDHI CHAANZA KUTUMIA NDEGE TIARA (DRONE) KATIKA MASUALA YA UPIMAJI NA RAMANI

CHUO KIKUU ARDHI CHAANZA KUTUMIA NDEGE TIARA (DRONE) KATIKA MASUALA YA UPIMAJI NA RAMANI

3Makamu Mkuu wa Chuo Kikuu Ardhi (ARU), Profesa Evaristo Liwa ,akitoa maelezo mafupi juu ya ndege tiara (drone) katika viwanja vya Chuo Kikuu Ardhi , wakati wa uzinduzi wa ndege hiyo itakayo kuwa inakusanya taarifa katika masuala ya upimaji na  ramani. (mnamo 12, Septemba 2018)
Continue reading CHUO KIKUU ARDHI CHAANZA KUTUMIA NDEGE TIARA (DRONE) KATIKA MASUALA YA UPIMAJI NA RAMANI

MAKAMU MKUU WA CHUO KIKUU ARDHI AZINDUA MAFUNZO YA VYUO VIKUU 12 VYA AFRIKA KUHUSU MBINU NA NAMNA YA KUTATHMINI ATHARI ZITOKANAZO NA MAAFA

MAKAMU MKUU WA CHUO KIKUU ARDHI AZINDUA MAFUNZO YA VYUO VIKUU 12 VYA AFRIKA KUHUSU MBINU NA NAMNA YA KUTATHMINI ATHARI ZITOKANAZO NA MAAFA

1T4A1202

Makamu Mkuu wa Chuo Kikuu Ardhi (ARU) Profesa Evaristo Liwa akiongea machache wakati wa ufunguzi wa kozi ya wiki mbili ya  kimataifa kuhusu maafa inayofanyika Chuo Kikuu Ardhi ikiwalenga wanafunzi wa shahada za juu na watendaji wa taasisi za kiserikali, binafsi na mashirika ya kimataifa. Washiriki wanatoka nchi 12 za Afrika na Mpango wa Chakula Duniani (WFP). Wakufunzi wa kozi wanatoka Vyuo Vikuu vya Afrika vinavyounda mwamvuli wa Periperi U, UNDP na WHO. Kozi  imefadhiliwa na UNDP, USAID/OFDA, WHO na WFP.  Kushoto ni Kaimu Naibu Mkuu Chuo Mipango, Fedha na Utawala, Profesa Robert Kiunsi.

Continue reading MAKAMU MKUU WA CHUO KIKUU ARDHI AZINDUA MAFUNZO YA VYUO VIKUU 12 VYA AFRIKA KUHUSU MBINU NA NAMNA YA KUTATHMINI ATHARI ZITOKANAZO NA MAAFA

UTAFITI NA UBUNIFU CHUO KIKUU ARDHI

UTAFITI NA UBUNIFU CHUO KIKUU ARDHI.

Kutana na mwanafunzi  Judith Maduhu mwanafunzi wa Chuo Kikuu Ardhi kutoka skuli ya Sayansi ya Mazingira na Teknolojia wa mwaka wa nne,amefanya utafiti unaohusu usindikaji wa taka ngumu (Recycling process) ametumia taka za karatasi au karatasi taka na magugu maji yanayopatikana ziwani na kwenye mabonde ya maji ambayo yamekuwa changamoto sana kutokana na athari zake katika mazingira.

1

Judith Maduhu Mwanafunzi wa Chuo Kikuu Ardhi akiwa katika jengo la kufanya tafiti kwa vitendo. (Experimental hall).

Continue reading UTAFITI NA UBUNIFU CHUO KIKUU ARDHI